#DSnap! #story13133
[獨仔的告白]
w05_1024x768
獨仔的告白
有冇人同我一樣, 好享受做獨仔
就算比你揀既話, 你都唔會想有呀哥家姐??
由細到大, 我身邊所有朋友都係有兄弟姐妹
細個係公園玩識到一班朋友仔
果時我應該5歲,6歲 佢地個個都有阿哥或者家姐, 得我冇
但佢地既關係就差到連陌生人都不如
仲要唔知點解個個都係
例如,. 佢地之間既稱呼一定會叫全名
唔係講相親相愛, 佢地每日唔係打交就係爭電腦爭野食
仲要好多次都係我面前發生
屋企得一部電腦, 佢地輪流玩電腦一定計到盡
多一秒少一秒都唔得
如果玩多左, 又會告狀, 再唔係就搶
其中一個發脾氣既話, 嬲起上黎仲會話電腦中毒要洗機
真心, 我望住成件事發生
互相唔會守秘密, 仲好鍾意打小報告
我有個FD夜左小小返, 有盒煙係書包
都會即刻告上DADDY MUMMY
到中學, 全班有38/39人到
只有我一個係冇兄弟姐妹 [[認真]]
有次同幾個同班相熟既朋友上某某人(QQ)屋企打牌
點知原來QQ個屋姐因為開完夜訓緊覺
我地全部事前唔知
咁QQ個家姐更係好嬲衝出黎:好客氣咁講 其實我訓緊覺
但QQ完全無動於衷, 叫我地繼續打
咁我開口話不如再約
點知QQ死拉住我地, 最後仲同佢家姐反面
中學有女仔FD屋企想追仔,. 點知最後追左三個女出黎
佢久唔久都會講羨慕我, 因為三姐妹感情好差
而且屋企好細, 三姐妹要SHARE 間房
相處得唔好就會有好多爭執
爭衣櫃, 爭錢, 爭...
我個FD就係因為唔可以夜晚同某個心儀既男仔傾電話
(果個年代冇智能手機)
攪到最後拍唔到拖,
仲有好多好多既case
例如借錢唔還, 唔問過人就拎人地啲野黎用, 仲要整爛, 唔肯教細佬妹做功課, 蝦細佬妹打佢地等等... 其實真係不能盡錄
到出黎做野返補習
有個CASE屋企好特別, 一家六口 , 兩兄弟, 麻麻, 拉叔
迫係間兩房 400尺到既公屋
個拉叔唔知係離左婚定點
好人好者痴住個大哥, 40歲人仲無所事事, 聽學生講拉叔冇做野, 係屋企唔係訓覺就打LOL
講真個阿哥個大仔都準備中一, 佢自己仲咁唔爭氣痴左人地屋企
我見佢阿嫂好多時都吞聲忍氣
佢媽咪好照顧我, 我有時都等佢陰工
要睇住兩個仔既學業, 又要照顧奶奶, 仲要睇埋奶奶個二仔
唉, 做女人真係辛苦
果兩個仔又唔爭氣, 上堂鬥交鬥到落堂
玩手機遊戲要拎個計時器出黎, 講到明每人玩幾耐
分野食要計準每人一半, 程度去到要拎埋尺出黎果隻
唉.. 做親生兄弟做到咁不如冇做
講真果句, 我真係好ENJOY一個人生活
霸哂間房, 唔洗下下諗其他人, 唔洗SHARE 自己既野
自己想做咩就做咩, 唔洗睇人面色
我知道我上面果既野好以偏概全
但無奈我就係個咁既環境下長大
問心我身邊真係冇幾多朋友同兄弟姐妹相處係做到相親相愛
事實上, 你而家問我
要將我呢刻擁有既所有野分一半比人
我點都唔制
From 其他
===============================
分享你嘅小秘密 ==>【 http://bit.ly/sharesomething 】
更多精彩內容 我哋Instagram源源不絕送上 ==>【@HKUdryclub】
加入我哋！做Admin做Blogger寫乜都得！ ==> 【 http://bit.ly/joinDC2015 】
Search